Հայտնի է Մերձավանում սպանված տղայի անունը. նա գյուղապետի զարմիկն էր

ԵՐԵՎԱՆ, 5 փետրվարի - Sputnik. Անցած գիշեր Արմավիրի մարզի Մերձավան բնակավայրում կրակոցների հետևանքով մահացածը բնակավայրի վարչական ղեկավար Մհեր Ախտոյանի հորաքրոջ տղան է` 29-ամյա Գրիգոր Օհանյանը։ Այս մասին գրում է Mediahub կայքը։

Ավելի վաղ հայտնել էինք, որ Մերձավան բնակավայրում կրակոցներ են հնչել. 1 մարդ մահացել է, 1-ը` վիրավորվել։

Կայքին նաև հայտնի է դարձել, որ Մհեր Ախտոյանին, որը, ի դեպ, իր քաղաքական թևը փոխել է 2018-ից հետո, հիմա էլ հովանավորում է աշխատանքի և սոցիալական հարցերի նախարար Նարեկ Մկրտչյանը, որը հենց Փարաքարից է։

Հիշեցնենք` դեպքից հետո 2 անձ է ձերբակալվել։ Դեպքի առթիվ քրեական վարույթ է նախաձեռնվել ՔՕ 155-րդ հոդվածի 1-ին մասով, 335-րդ հոդվածով, 297-րդ հոդվածի 3-րդ մասով, 44-155-րդ հոդվածի 1-ին մասով։