Հայաստանի արհմիություների հանրապետական կոնֆեդերացիայի ներկայացուցիչները ևս այսօր մեկնել են Սյունիք` ծանթանալու իրավիճակին ու խոսելու կողմերի հետ։
Լեռնագործների, մետալուրգների և ոսկերիչների ճյուղային միության նախագահ Էդուարդ Փահլևանյանը Sputnik Արմենիայի հետ զրույցում ասել է, որ Զանգեզուրի պղնձամոլիբդենային կոմբինատի աշխատակիցների բողոքի ակցիան իրավական առումով գործադուլ չի կարող համարվել։
«Եթե ձեռնարկության ղեկավարը չի համաձայնում աշխատողների պահանջին, պետք է փորձենք նույնականացնել գործընթացը` օրինական կարգով գործադուլի ծանուցում ներկայացնելով և հետագա ընթացակարգով` ըստ օրենքի»,– հայտնել է Փահլևանյանը։
Զանգեզուրի պղնձամոլիբդենային կոմբինատի աշխատակիցները գործադուլ են անում` պահանջելով բարձրացնել աշխատավարձերը։ Կոմբինատի ղեկավարությունն ու արհմիությունը դա գործադուլ չեն համարում և սպառնում են դիմել խիստ քայլերի, եթե աշխատակիցները չդադարեցնեն իրենց գործողությունները։