ԵՐԵՎԱՆ, 31 հունվարի – Sputnik. Ժնևում ՄԱԿ-ում Ռուսաստանի մշտական ներկայացուցչությունը ՄԱԿ-ի Մարդու իրավունքների գերագույն հանձնակատարի վարչությանը տվյալներ կփոխանցի Կուրսկի մարզի Ռուսսկոյե Պորեչնոյե գյուղում Ուկրաինայի զինված ուժերի վայրագությունների մասին: Այս մասին ՌԻԱ Նովոստիին հայտնել են դիվանագիտական առաքելության մամուլի ծառայությունից։
«Կփոխանցենք, հենց որ այդ մասին պաշտոնական տեղեկատվություն ստանանք», - պատասխանել են առաքելությունից:
Ավելի վաղ ՌԴ ՔԿ պաշտոնական ներկայացուցիչ Սվետլանա Պետրենկոն հայտնել էր, որ զինվորական քննիչները պարզել են Ուկրաինայի ԶՈւ 5 զինվորականների ինքնությունը, որոնք առնչություն ունեն Կուրսկի մարզի Ռուսսկոյե Պորեչնոյե գյուղի բնակիչների սպանությունների և բռնաբարությունների հետ:
Քննության տվյալներով՝ ավագ զինվոր Եվգենի Ֆաբրիսենկոն, ինչպես նաև «Կում», «Մոտիլ», «Պրովոդնիկ», «Խուդոժնիկ» ազդականչերով ուկրաինացի զինվորականները 2024 թվականի սեպտեմբերին ներխուժել են Կուրսկի մարզի տարածք։ Սուջայի շրջանում մարտերի ժամանակ Ֆաբրիսենկոն գերեվարվել է։ Հարցաքննության ժամանակ նա պատմել է այն հանցագործությունների մասին (բռնաբարություններ, սեռական բնույթի բռնի գործողություններ և սպանություններ), որոնք կատարել է Ուկրաինայի զինված կազմավորումների այլ զինվորականների հետ:
Հետաքննությունը պարզել է, որ 2024 թվականի սեպտեմբերի 28-ից նոյեմբերի 24-ը Ֆաբրիսենկոն, «Մոտիլը», «Պրովոդնիկը» և «Խուդոժնիկը» «Կում» ազդականչով հրամանատարի հրահանգով Ռուսսկոյե Պորեչնոյե գյուղում սպանել են 11 տղամարդու և 3 կնոջ։ Բացի այդ, նրանք բռնաբարել են 8 կանանց և սպանել։ Այնուհետև հանցակիցները 22 քաղաքացիների մարմինները տեղափոխել են առանձնատների նկուղներ։