ԵՐԵՎԱՆ, 28 հունվարի - Sputnik. Իրանի կառավարությունը հաստատել է Իրանի և Տաջիկստանի միջև օդային տրանսպորտով ուղևորություններ իրականացնելիս վիզային ռեժիմի չեղարկման մասին որոշումը: Այս մասին հայտնում է իրանական Shafaqna գործակալությունը։
«Տաջիկստանում Իրանի դեսպանատունը հայտարարել է, որ Իրանի կառավարության որոշման հիման վրա` փետրվարի 3-ից Թեհրանի և Դուշանբեի միջև ավիատրանսպորտով ճանապարհորդելիս սահմանվում է առանց վիզայի ռեժիմ»,- ասվում է հաղորդագրության մեջ:
Գործակալության տեղեկություններով՝ առանց վիզայի ռեժիմից օգտվելու իրավունք ունեն սովորական արտասահմանյան անձնագրերի տերերը։ Նրանք իրավունք ունեն առանց վիզայի այցելել միմյանց տարածք առաջին մուտքի պահից 90 օրվա ընթացքում՝ 30 օր ժամկետով։