ԵՐԵՎԱՆ, 27 հունվարի - Sputnik. Հայաստանի փոխչեմպիոն «Նոան» Դոհայում (Կատար) կայացած ձմեռային հավաքների ընկերական մրցաշարում հաղթել է Ռուսաստանի չեմպիոնին: Ինչպես հաղորդում է «Զենիթի» պաշտոնական կայքը, հայաստանյան թիմը հաղթել է 2:1 հաշվով:
Հայկական թիմի կազմում յուրաքանչյուր խաղակեսում մեկական գոլ են խփել հարձակվողներ Գոնսալո Գրեգորիուն (11 մետրանոցից) և Մատեուս Այասը: «Զենիթի» կազմում գոլի հեղինակ է դարձել Ալեքսանդր Երոխինը։
«Նոայի» կազմում առաջին անգամ խաղադաշտ են դուրս եկել Խամես Սանթոսը և Բրունո Ալմեյդան (որը դեռևս պաշտոնապես ներկայացված չէ թիմում), ինչպես նաև երիտասարդական թիմի ֆուտբոլիստներ Զավեն Խուդավերդյանը, Բիլալ Ֆոֆանան, Արթուր Մովսեսյանը, Արթուր Կոնեգլյանը և Մոհամեդ Բուա Մբիլիան։
Նշենք, որ «Զենիթը» հիմնականում խաղում էր երկրորդ կազմով։ Հիմնական խաղացողներից, բացի Երոխինից, խաղադաշտ են դուրս եկել Մատեո Կասիերան և Լուսիանոն: