ԵՐԵՎԱՆ, 20 հունվարի - Sputnik. ԱՄՆ նորընտիր նախագահ Դոնալդ Թրամփը մտադիր է դաշնային մակարդակով վերականգնել մահապատիժը, որի արգելքը սահմանվել էր գործող նախագահ Ջո Բայդենի օրոք: Այս մասին հայտնում է ՌԻԱ Նովոստին՝ վկայակոչելով Reuters գործակալությունը։
Ավելի վաղ Թրամփը հայտարարել էր, որ ընտրվելու դեպքում կչեղարկի դաշնային մակարդակով մահապատիժների կատարման՝ արդարադատության նախարարության արգելքը:
«Թրամփը դաշնային մակարդակով կվերականգնի մահապատիժը», - հայտնում է գործակալությունը՝ վկայակոչելով ապագա վարչակազմի ներկայացուցիչներին:
Նշենք, որ արդարադատության նախարարության կողմից կիրառվող ընթացակարգերը ստուգելու նպատակով 2021 թվականին ԱՄՆ գլխավոր դատախազ Մերիկ Գարլանդը հայտարարել էր մահվան դատավճիռների կատարման արգելքի մասին։