Իսրայելի և ՀԱՄԱՍ-ի միջև զինադադարի սկսվելուց հետո սկսվեց հազարավոր պաղեստինցիների տխուր վերադարձը դեպի ավերակներ, որոնք մնացել են նրանց տներից Իսրայելի տասնհինգ ամիս տևած ներխուժումից հետո: Շատերի համար սա վերադարձ չէ անվտանգությանը, այլ ճանապարհ է դեպի անապատ. Իսրայելը չի խնայել ամենաժամանակակից հրթիռները, և Գազայի հատվածի ավելի քան 80%-ը փլատակների է վերածվել:
ԱԹՍ-ից նկարահանված կադրերը ֆիքսել են Խան Յունուսի ապոկալիպտիկ տեսարանները. թաղամասեր կան, որ հիմա բետոնի և ծռմռված մետաղի կույտերի են վերածվել: Ոչ մի կանգուն մզկիթ, դպրոց, հիվանդանոց, մարզահրապարակ չի մնացել։
Իսրայելական ներխուժումը 47 հազար պաղեստինցիների կյանք է խլել, զոհվածների մեծ մասը կանայք և երեխաներ են:
ՀԱՄԱՍ-ը և Իսրայելի իշխանությունները հայտարարել են Գազայի հատվածում հրադադարի ռեժիմի մեկնարկի մասին: Այն կներառի երեք փուլ, որոնցից առաջինը կտևի 42 օր։