ԵՐԵՎԱՆ, 17 հունվարի – Sputnik. ՀՀ վարչապետ Նիկոլ Փաշինյանն ու ՌԴ նախագահ Վլադիմիր Պուտինը զրուցել են հեռախոսով։ Տեղեկությունը հայտնում է ՀՀ վարչապետի մամուլի ծառայությունը։
«Զրուցակիցները քննարկել են Եվրասիական տնտեսական միությունում Հայաստանի Հանրապետության նախագահության արդյունքները, առաջիկա անելիքները ԵԱՏՄ շրջանակում»,– ասված է հաղորդագրությունում:
Քննարկվել են նաև Հայաստան-Ռուսաստան երկկողմ օրակարգի մի շարք հարցեր։
Հիշեցնենք` առաջնորդների վերջին դեմ առ դեմ հանդիպումը կայացել է անցյալ տարվա հոկտեմբերին Կազանում ԲՐԻԿՍ գագաթնաժողովի շրջանակում։ Իսկ դեկտեմբերին Փաշինյանը տեսակապով մասնակցեց Եվրասիական տնտեսական բարձրագույն խորհրդի նիստին։