ԵՐԵՎԱՆ, 12 հունվարի - Sputnik. «Աէրոֆլոտ» ավիաընկերության ինքնաթիռը, որն արտակարգ վայրէջք է կատարել Մախաչկալայում, արդեն թռչում է Երևան: Այս մասին Sputnik Արմենիային հայտնեցին քաղաքացիական ավիացիայի կոմիտեի մամուլի ծառայությունից։
Ավելի վաղ հաղորդվել էր, որ Մոսկվայից Երևան թռչող ինքնաթիռը արտակարգ վայրէջք է կատարել Մախաչկալայում՝ վերալիցքավորման համար:
Թռիչքի ժամանակ ուղևորներին հայտնել են, որ օդային տարածքի փակման գոտին ընդլայնվել է։ Այսպատճառով ինքաթիռը ստիպված է եղել ավելի երկար թռչել, ու վառելիքը սպառվելու պատճառով ստիպված արտակարգ վայրէջք է կատարել:
Ավիաընկերությունը դեռևս հանդես չի եկել պարզաբանմամբ։
Ավելի վաղ հայտնել էինք, որ Սանկտ Պետերբուրգի «Պուլկովո» օդանավակայանը երկու անգամ ժամանակավորապես սահմանափակել է աշխատանքը ձյան տեղումների պատճառով։ Արդյունքում Սանկտ Պետերբուրգ թռչող միանգամից 33 ինքնաթիռ ստիպված են եղել վայրէջք կատարել պահեստային օդանավակայաններում, առաջին հերթին՝ Մոսկվայում: