Էրդողանը հայտարարել է, որ Թուրքիան ահաբեկչությանը վերջ տալու հնարավորություն ունի

Ռեջեփ Թայիփ Էրդողան
Ռեջեփ Թայիփ Էրդողան
Թուրքիայի առաջնորդը վստահեցրել է, որ իրենք կքանդեն իմպերիալիստական դավադրությունների վերջին շղթան։
Sputnik
ԵՐԵՎԱՆ, 11 հունվարի — Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ հնարավորություն է ստեղծվել հանրապետությունում ահաբեկչությանը վերջ տալու համար: Նրա խոսքը մեջբերում է ՌԻԱ Նովոստին։
Ավելի վաղ կառավարամետ «Türkiye» թերթը, հղում անելով իր աղբյուրներին, հայտնել էր, որ Թուրքիայում արգելված Քրդստանի աշխատավորական կուսակցության առաջնորդ Աբդուլլահ Օջալանը, որը ցմահ ազատազրկման է դատապարտված Իմրալի կղզում, կարող է գրավոր դիմել զինյալներին՝ զինված պայքարը դադարեցնելու համար:
«Մենք հնարավորություն ունենք մեկընդմիշտ վերջ դնելու ահաբեկչությանը։ Մենք կքանդենք իմպերիալիստական դավադրությունների վերջին շղթան, որոնք գրեթե կես դար ցավ են պատճառել մեր երկրին և մթագնել նրա ապագան»,- հայտարարել է Թուրքիայի առաջնորդը «Արդարություն և զարգացում» կուսակցության (AK Parti) Դիարբեքիրի նահանգային բաժանմունքների ութերորդ համագումարում ելույթ ունենալիս։
Նրա խոսքով՝ յուրաքանչյուր ահաբեկչական կազմակերպություն, չնայած իր հովանավորներին, այժմ գիտի, որ ինքը ոչ մի շանս չունի հանրապետության դեմ։
Հիշեցնենք` Թուրքիայում Քրդստանի աշխատավորական կուսակցության հետ զինված հակամարտությունը սկսվել է 1984 թվականին, վերսկսվել` 2015-ին։ Իրաքի հյուսիսում գտնվում են ՔԱԿ-ի բազաները, որոնց դեմ Թուրքիայի զինված ուժերը օդային և ցամաքային գործողություններ են իրականացնում։
Էրդողանը փոփոխություններ կանի կառավարությունում. ովքե՞ր կշարունակեն պաշտոնավարել