ԵՐԵՎԱՆ, 10 հունվարի – Sputnik. ԱՄՆ-ի Լոս Անջելեսի շրջանում հրդեհների հետևանքով մահացածների թիվը հասել է 10-ի: Տեղեկությունը հայտնում է CNN հեռուստաալիքը՝ հղում անելով տեղի բժշկական փորձաքննության դեպարտամենտին։
Ավելի վաղ հաղորդվել էր 8 զոհի մասին:
«Գերատեսչությունը ծանուցում է ստացել հրդեհների պատճառով 10 մահացածի մասին», - ասվում է հաղորդագրության մեջ:
Լոս Անջելեսի շրջանը տասնյակհազարավոր բնակիչների համար պարտադիր տարհանման հրահանգ է սահմանել:
Շրջանի հրշեջ ծառայության ղեկավարը խոստովանել է, որ ռեսուրսները նախատեսված են եղել մեկ-երկու խոշոր հրդեհների դեմ պայքարելու համար:
Իրավիճակը սրում են ուժեղ քամիները, որոնց պատճառով ժամանակավորապես դադարեցվել է ավիացիայի աշխատանքը։
Ըստ ամերիկյան լրատվամիջոցների` Լոս Անջելեսի խոշոր հրդեհների հետևանքով վնասվել կամ ոչնչացվել է մոտ 9 հազար տուն։