ԵՐԵՎԱՆ, 2 հունվարի– Sputnik. Հունվարի 1-ի առավոտյան հայտնաբերվել է խառը մենամարտերի (MMA) մարտիկ նորզելանդացի Խակարայա Ուիլսոնի դիակը։ Տեղեկությունը հայտնում է rnz.co.nz կայքը։
26-ամյա Ուիլսոնի մարմինը հայտնաբերվել է Գիսբորնում։
Ոստիկանության ներկայացուցիչն ասել է, որ դիակի վրա բռնության հետքեր չեն եղել։
Վիլսոնն անցկացրել է 7 մենամարտ, տարել է 4 հաղթանակ և կրել 3 պարտություն:
Հոկտեմբերի 27-ին կայացած վերջին մենամարտում նա տեխնիկական նոկաուտով հաղթել էր ֆիլիպինցի Մարկ Ալկոբային: