ԵՐԵՎԱՆ, 30 դեկտեմբերի - Sputnik. Ռուս զինվորականները վերահսկողության տակ են վերցրել Դոնեցկի Նովոոլենովկա բնակավայրը, հայտնում է ՌԴ պաշտպանության նախարարությունը:
«Կենտրոն» զորքերի խմբավորման ստորաբաժանումների վճռական գործողություններով ազատագրվել Է Դոնեցկի Ժողովրդական Հանրապետության Նովոոլենովկա բնակավայրը», - ասված է նախարարության ամփոփագրում:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։