Մալաթիայի շենքերից մեկի բնակարանում պայթյուն է եղել, հրդեհ է բռնկվել. կա վիրավոր

ԵՐԵՎԱՆ, 30 դեկտեմբերի – Sputnik. Երևանի Մալաթիա–Սեբաստիա վարչական շրջանի շենքերից մեկի բնակարանում պայթյուն է եղել, ինչի հետևանքով հրդեհ է բռնկվել։ Տեղեկությունը հայտնում է shamshyan.com-ը։

Արտակարգ դեպքը տեղի է ունեցել դեկտեմբերի 30-ին, ժամը 12:00-ի սահմաններում, Բաբաջանյան 167 շենքի 5-րդ հարկի բնակարաններից մեկում։

Դեպքի վայր ժամանել է 4 մարտական հաշվարկ և 1 ավտոսանդուղք։

Նշվում է, որ ըստ նախնական տեղեկությունների` պայթյունը գազի արտահոսքի հետ կապ չի ունեցել, քանի որ նշված տանը գազ չի մատակարարվել:

Դեպքի փաստով փաստաթղթեր են ձևակերպվում, որտեղ էլ պարզվում է բնակարանատիրոջ և հիվանդանոց տեղափոխված քաղաքացու ինքնությունը: