ԵՐԵՎԱՆ, 30 դեկտեմբերի – Sputnik. Այսօր ավտովթար է տեղի ունեցել Արմավիրի մարզում, որի հետևանքով 6 մարդ է տուժել։ Տեղեկությունը հայտնում է shamshyan.com-ը:
Ըստ կայքի` ժամը 18։30-ի սահմաններում Էջմիածին-Մարգարա ավտոճանապարհի 7-րդ կմ հատվածում բախվել են «Nissan Tiida» և «Hyundai Santamo» մակնիշի ավտոմեքենաները։
Բախման հետևանքով 2 ավտոմեքենաները դուրս են եկել ճանապարհի երթևեկելի գոտուց ու հայտնվել ջրատարում։ 6 տուժածները տեղափոխվել են Վաղարշապատի բժշկական կենտրոն։
Նախաձեռնվել է քրեական վարույթ, պարզվում են վարորդների և վիրավորների ինքնությունները, ավտովթարի հանգամանքները։
Ըստ ՆԳՆ փրկարար ծառայության` տուժածներից 2-ը 8 տարեկան երեխաներ են։