«Հունվարի առաջին տասնօրյակը կլինի բավականին տաք, առանց տեղումների, ամսական միջին ջերմաստիճանն էլ կդիտվի նորմայից բարձր»․-այսօր հրավիրված ասուլիսում հայտնել է «Հիդրոօդերևութաբանության և մոնիթորինգի կենտրոնի» տնօրենի տեղակալ Գագիկ Սուրենյանը։
Նրա խոսքով՝ տոնական օրերին հանրապետությունում հիմնականում կգերակշռեն հարավարևմտյան տաք օդային հոսանքները, ցերեկային ժամերին նույնիսկ լեռնային շրջաններում կգրանցվեն դրական ջերմաստիճաններ, իսկ Երևանում գիշերային ժամերին հիմնականում հունվարի առաջին տասնօրյակում կգրանցվի -2-ից -4 աստիճան, իսկ ցերեկային ժամերին՝ 6-8 աստիճան տաքություն․ կլինի պարզ երկինք, առանց տեղումների եղանակ։«Ամսական միջին ջերմաստիճանը կանխատեսվում է նորմայից բարձր, հանրապետության ողջ տարածքում մոտ 3-5 աստիճանով, տեղումների քանակը՝ նորմայից պակաս»․-մանրամասնել է Սուրենյանը։