Գնային պարադոքսներ․ Հայաստանում մթերքներն ավելի թանկ են, քան ԵԱՏՄ մյուս երկրներում

ԵՐԵՎԱՆ, 28 դեկտեմբերի - Sputnik. ԵԱՏՄ երկրների գյուղատնտեսական արտադրողներն ընթացիկ տարվա նոյեմբերին նախորդ տարվա նույն ժամանակահատվածի համեմատ 3,9 տոկոսով ավելացրել են իրենց արտադրանքի գները: Այս մասին հայտնում է Եվրասիական տնտեսական հանձնաժողովը (ԵՏՀ)։

Հոկտեմբերի համեմատ աճը կազմել է 2,9 տոկոս, իսկ տարեսկզբից՝ 2 տոկոս։

Բուսաբուծության արտադրանքի գները 2023թվականի նոյեմբերին 2023 թվականի դեկտեմբերի համեմատ աճել են 4.7%-ով, իսկ անասնաբուծության արտադրանքի գները՝ 1%-ով:

ԵՏՀ-ի տվյալներով՝ նոյեմբերին Բելառուսի գյուղատնտեսական արտադրողների գներն աճել են 9,2%-ով, Ռուսաստանի՝ 2,1%-ով, Ղրղզստանի՝ 1,5%-ով: Ընդ որում, նվազում է գրանցվել Հայաստանում (4,5%-ով) և Ղազախստանում (2,2%-ով):

Ցորենի գները․

Հայաստան՝ 281 դոլար մեկ տոննայի համար,

Բելառուս և Ռուսաստան՝ 135-ական դոլար,

Ղազախստան՝ 140 դոլար,

Ղրղզստան՝ 228 դոլար

Խոզի մսի գները (մեկ տոննայի համար).

Հայաստան՝ 6 379 դոլար,

Բելառուս՝ 1 201 դոլար,

Ղազախստան՝ 1 653 դոլար,

Ղրղզստան՝ 2 259 դոլար,

Ռուսաստան՝ 1 251 դոլար:

Թռչնամսի գները (մեկ տոննայի դիմաց).

Հայաստան՝ 6 392 դոլար,

Բելառուս՝ 851 դոլար,

Ղազախստան՝ 1 756 դոլար,

Ղրղզստան՝ 2 190 դոլար,

Ռուսաստան՝ 1 155 դոլար:

Ձվի վաճառքի գները (հազար հատի համար)․

Բելառուս՝ 65 դոլար,

Ղազախստան՝ 76 դոլար,

Ռուսաստան՝ 80 դոլար,

Հայաստան՝ 168 դոլար.

Հարկ է նշել, որ Հայաստանի վերաբերյալ տվյալները ներկայացված են մսամթերքի քաշով, մյուս երկրների վերաբերյալ տվյալները՝ կենդանի քաշով։

Ձվի վաճառքի գներն ամենացածրը Բելառուսում են՝ հազար հատի դիմաց 65 դոլար։ Ղազախստանում գինը կազմել է 76 դոլար, ՌԴ-ում՝ 80 դոլար, Հայաստանում՝ հազար հատի դիմաց 168 դոլար։