Բաքու – Գրոզնի չվերթի կործանված ինքնաթիռում գտնվողներից 32–ը ողջ են մնացել. լուսանկարներ

Բաքու-Գրոզնի չվերթն իրականացնող AZAL ընկերության ինքնաթիռի կործանումից հետո ողջ է մնացել 32 մարդ։ Այս մասին հայտնել է ավիափոխադրողը: Հայտնի է նաև, որ նրանցից 14-ը Ադրբեջանի քաղաքացիներ են, 10-ը` Ռուսաստանի։

Ընդհանուր առմամբ, կործանված ինքնաթիռում եղել է 67 մարդ, այդ թվում ՝ անձնակազմի 5 անդամ։ Այլ տվյալներով՝ ինքնաթիռում եղել է 69 մարդ։ Բացի ռուսաստանցիներից և ադրբեջանցիներից, ուղևորների թվում են եղել նաև Ղազախստանի և Ղրղզստանի քաղաքացիներ:

Փաշինյանը ցավակցել է Բաքու-Գրոզնի ինքնաթիռի ավիավթարի զոհերի ընտանիքներին

AZAL-ին պատկանող Embraer 190 ինքնաթիռը, որն իրականացնում էր Բաքու-Գրոզնի չվերթը, դեկտեմբերի 25-ի առավոտյան ընկել է Ղազախստանի Ակտաու քաղաքից 3 կմ հեռավորության վրա: Ինքնաթիռը բախվել է թռչունների երամին։ Երկու օդաչուները զոհվել են։ Հաղորդվում է, որ ողջ է մնացել անձնակազմի միայն մեկ անդամ:

1 / 9

Ինքնաթիռը Բաքվից ուղևորվում էր Գրոզնի

2 / 9

Մառախուղի պատճառով ինքնաթիռը վերաուղղորդվել է Մախաչկալա, այնուհետև Ակտաու

3 / 9

Կործանումից առաջ անձնակազմը վթարային վայրէջք է պահանջել

4 / 9

Ինքնաթիռի անկման նախնական պատճառը թռչունների երամի հետ բախումն է

5 / 9

Ինքնաթիռում եղել է 67 մարդ, այդ թվում՝ անձնակազմի 5 անդամ

6 / 9

Կործանման հնարավոր պատճառներից է տեխնիկական անսարքությունը։

7 / 9

Ղազախստանցի փրկարարները որոնողական աշխատանքներ են իրականացնում

8 / 9

Ողջ է մնացել 32 մարդ, նրանցից որոշները ծանր վիճակում են

9 / 9

Աստանայից Ակտաու է մեկնել սանիտարական ինքնաթիռ՝ վիրաբույժներով և վնասվածքաբաններով