ԵՐԵՎԱՆ,22 դեկտեմբերի - Sputnik. Այսօր Տավուշի մարզում այրվել է Հայաստանի ֆուտբոլի հավաքականի և «Փյունիկի» նախկին ֆուտբոլիստ Ալեքսանդր Թադևոսյանին պատկանող «Ford Fusion» ավտոմեքենան։ Այս մասին հայտնում է shamshyan.com կայքը։
Նշվում է, որ դեպքը տեղի է ունեցել ժամը 14:55-ի սահմաններում։ Նախկին ֆուտբոլիստը Հայաստանից մեկնում էր Վրաստան։
«Մինչ դեպքի վայր կժամանեին Նոյեմբերյանի հրշեջ-փրկարարական ջոկատից 1 մարտական հաշվարկ, «Ford Fusion» մակնիշի ավտոմեքենայում առաջացած կրակի դեմ պայքարել են վարորդն ու քաղաքացիները, ապա ժամանած հրշեջները մարել են այն»,– նշված է կայքում։
Ըստ լուսանկարների` ավտոմեքենան վերածվել է մոխրակույտի։
Պատահարի արդյունքում տուժածներ չկան։