ԵՐԵՎԱՆ, 22 դեկտեմբերի – Sputnik. Իրանի հյուսիսային Գիլան նահանգի Աստարա քաղաքում հայտնաբերվել է Ռուսաստանի քաղաքացու դին` հրազենային վնասվածքներով։ Նա ծնունդով Դաղստանի Հանրապետությունից էր, բեռնատարի վարորդ։ Իրանի իրավապահ մարմինները հետաքննություն են անցկացնում։ Այս մասին ՌԻԱ Նովոստիին հայտնել է Թեհրանում ՌԴ դեսպանատան մամուլի ծառայությունում։
«Այս տարվա դեկտեմբերի 16-ին Աստարա քաղաքի մերձակայքում գտնվող այգում հայտնաբերվել է ծնունդով դաղստանցի ՌԴ քաղաքացու դի, նա բեռնատարի վարորդ էր։ Ներկայումս Իրանի իշխանությունները հետաքննություն են անցկացնում Ռեշտում ՌԴ գլխավոր հյուպատոսության և Իրանում ՌԴ դեսպանատան սերտ վերահսկողության ներքո»,- նշել է ՌԴ դեսպանատան մամուլի ծառայությունը։
Թեհրանում Ռուսաստանի դիվանագիտական առաքելությունը ցավակցություն է հայտնել մահացածի ընտանիքին և մտերիմներին և ընդգծել, որ ռուսական կողմը կոչ է անում իրանցի գործընկերներին շտապ և մանրակրկիտ հետաքննել և պատժել մեղավորներին։