ԵՐԵՎԱՆ, 18 դեկտեմբերի - Sputnik. Այս գիշեր ավտովթար է տեղի ունեցել Եղեգնաձորից դեպի Արենի ընկած ճանապարահատվածում։ Ահազանգը Վայոց Ձորի մարզային փրկարարական վարչության ճգնաժամային կառավարման կենտրոնում ստացվել է ժամը 02:38-ին, հայտնում են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Մեղրի ավտոճանապարհի 107-րդ կմ-ին «KamAZ» (վարորդ՝ Ա. Մ. ծնված 1974 թ․) մակնիշի բեռնատարը կողաշրջվել է, վարորդը մահացել է։