Ադրբեջանը դատարան ուղարկեց Բաքվում ապօրինաբար պահվող Արցախի ռազմաքաղաքական ղեկավարության գործը։ Ըստ պաշտոնական հաղորդագրության` 2 հազար 548 դրվագով կատարված հանցագործությունների մեջ մեղադրվում է 15 մարդ։ Նրանց թվում են Արկադի Ղուկասյանը, Արայիկ Հարությունյանը, Բակո Սահակյանը, Դավիթ Իշխանյանը, Դավիթ Բաբայանը, Լյովա Մնացականյանը, Դավիթ Մանուկյանը, Գարիկ Մարտիրոսյանը, Մելիքսեթ Փաշայանը, Գուրգեն Ստեփանյանը, Լևոն Բալայանը, Մադաթ Բաբայանը, Դավիթ Ալավերդյանը, Վասիլի Բեգլարյանը և Էրիկ Ղազարյանը։
Ինչպես նկատեցիք` Ռուբեն Վարդանյանի անունն այս ցուցակում չկա։ Նրան ցմահ ազատազրկում է սպառնում առանձին, 100-հատորանոց գործով, որը միայն ադրբեջաներեն է և նույնիկս փաստաբանների համար չի թագմանվում։ Բաքուն գործից ոչինչ չի բացահայտում` հղում անելով պետական գաղտնիքին։ Փաստաբաններին անգամ գործի բոլոր նյութերին հասանելիություն չի տալիս` նույն հիմնավորմամբ։
Սա էլ ամենը չէ։ Ադրբեջանի գլխավոր դատախազությունը Հայաստանին հրավիրել է համագործակցել այդ շինծու գործով։ Թեմայի շուրջ զրուցել ենք Միջազգային և համեմատական իրավունքի կենտրոնի նախագահ Սիրանուշ Սահակյանի հետ։