ԵՐԵՎԱՆ,14 դեկտեմբերի — Sputnik. Դեղին ծովում ձկնորսական նավ է շրջվել, որում 12 մարդ է եղել, բոլորն անհետ կորել են։ Տեղեկությունը հայտնում է ՌԻԱ Նովոստին՝ հղում անելով «Ցայլյան» գործակալությունը։
Շանդուն նահանգի ծովային որոնողափրկարարական կենտրոնը պատահարի մասին ահազանգ է ստացել դեկտեմբերի 13-ին՝ տեղական ժամանակով 23:00-ի սահմաններում: Լյաոնին նահանգում գրանցված նավն անհետացել է Դեղին ծովի կենտրոնական հատվածում։
Հաջորդ օրը՝ դեկտեմբերի 14-ին` ժամը 11:00-ի սահմաններում, նշված ջրատարածքում փրկարարները հայտնաբերել են կողաշրջված նավը։
Որոնողափրկարարական գործողությունը շարունակվում է: