ԵՐԵՎԱՆ, 14 դեկտեմբերի – Sputnik. Սյունիքի մարզում` Կապանի օդանավակայանի մոտ, ավտոմեքենաներ են բախվել, ինչի հետևանքով 5 մարդ է տուժել։ Տեղեկությունը հայտնում է shamshyan.com–ը։
Ժամը 12։10-ի սահմաններում բախվել են «Volkswagen Golf» մակնիշի ավտոմեքենան և «Scania» մակնիշի բեռնատարը, տուժածները տեղափոխվել են «Կապան» բժշկական կենտրոն։
Վթարի փաստով քննչական վարչությունում նախաձեռնվել է քրեական վարույթ։ Վարորդների և տուժածների ինքնությունը պարզվում է։