Իրանն ապացույցներ ունի, որ Սիրիայում նախագահ Բաշար ալ Ասադի վարչակարգի տապալումը Միացյալ Նահանգների, Իսրայելի և Սիրիայի հարևան մեկ այլ երկրի ծրագրի հետևանք է, - հայտարարեց Իրանի գերագույն առաջնորդը։ Այաթոլլահ Ալի Խամենեին իր ուղերձում հստակ նշեց սիրիայում զինված ընդդիմությանը հաղթանակ ապահոված ուժերին` հիմնական դավադիր և գլխավոր ծրագրավորող նշելով Միացյալ Նահանգներն ու սիոնիստական ռեժիմը։ Խամենին վստահություն է հայտնել նաև, որ Սիրիայի երիտասարդությունը կազատագրի երկրի օկուպացված հատվածները։ Եվ հստակ մերժել է պնդումները, թե Սիրիայում իշխանափոխությունը թուլացրել է «դիմադրության ճակատը» տարածաշրջանում և հենց Իրանում։ Հակառակը, Իրանի գերագույն առաջնորդի խոսքով` դժվարին իրավիճակներում «դիմադրության ճակատն» ավելի ուժեղ և ավելի մոտիվացված է դառնում։
Այդուհանդերձ, ինչու Իրանը չօգնեց Ասադին, ինչու Ասադը հրաժարվեց իրանական օգնությունից։ Թեմայի շուրջ Sputnik Արմենիան զրուցել է իրանագետ Նվեր Դավթյանի հետ։