ԵՐԵՎԱՆ, 4 դեկտեմբերի - Sputnik. Իսրայելի պաշտպանության բանակը (ՑԱԽԱԼ) ստեղծել է ռազմաօդային ուժերի տեխնիկական մասնագետների պատմության մեջ առաջին ստորաբաժանումը ուլտրաօրթոդոքս զորակոչիկների համար, հայտնում է Times of Israel թերթը:
«Իսրայելի պաշտպանության բանակը հայտարարել է ուլտրաօրթոդոքսալ համայնքների զորակոչիկների համար Իսրայելի ռազմաօդային ուժերի տեխնիկական մասնագետների պատմության մեջ առաջին ստորաբաժանման ստեղծման մասին, որտեղ մարտիկները կշարունակեն կրոնական ապրելակերպ վարել բանակում ծառայելու ընթացքում», – ասվում է հրապարակման մեջ:
Նշվում է, որ 26 կրոնական զինծառայողներ ավարտել են ուսուցումը և դարձել «Ա» մակարդակի տեխնիկներ Ֆ-16 կործանիչների համար: Միջոցներ են ձեռնարկվում, որպեսզի նրանք պահպանեն կրոնական ապրելակերպը. նրանց տրամադրվել է առանձին կացարան, թույլատրվել է պահպանել խիստ կաշրուտը (սննդի հետ կապված կրոնական հրահանգները) և ամրացված տարածքում կառուցել սինագոգ։
Նոյեմբերի 15-ին Իսրայելի պաշտպանության նախարար Իսրայել Կացը որոշում է կայացրել մոտ 7 հազար ծանուցագիր ուղարկել ծայրահեղ օրթոդոքս հրեաներին: