ԵՐԵՎԱՆ, 1 դեկտեմբերի – Sputnik. Թուրքիայի Սաքարիա նահանգում դպրոցականներին տեղափոխող միկրոավտոբուս է կողաշրջվել։ Վթարի հետեւանքով 10 մարդ Է տուժել: Այս մասին հայտնում է Star թերթը։
«Սաքարիայում տարրական դպրոցի աշակերտներին տեղափոխող միկրոավտոբուսը շրջվել է, երբ վարորդը կորցրել է կառավարումը: Վթարի հետևանքով տուժել է 10 մարդ, այդ թվում ՝ 7 աշակերտ և 2 ուսուցիչ», - գրում է թերթը։
Դեպքի վայր են ժամանել շտապօգնության խմբեր, ոստիկաններ։ Տուժածներին տեղափոխել են մոտակա հիվանդանոցներ։ Թերթի տվյալներով՝ նրանց կյանքին վտանգ չի սպառնում։