ԵՐԵՎԱՆ, 27 նոյեմբերի – Sputnik. Ամերիկացի գործարար Իլոն Մասկը խոստովանել է, որ ռուս դասական Ֆյոդոր Դոստոևսկու ստեղծագործություններն ավելի լավն են, քան հոգեբանության վերաբերյալ գրքերը:
«Ճիշտ է»,- գրել է Մասկը X սոցիալական ցանցի իր էջում` պատասխանելով մի օգտատիրոջ հրապարակման, որը հայտարարել է, թե հոգեբանության վերաբերյալ մի շարք գրքեր նույնիսկ չեն մոտենում Դոստոևսկու «Կարամազով եղբայրներ» ստեղծագործությանը։
Ամերիկացի գործարար Իլոն Մասկը համարվում է աշխարհի ամենահարուստ մարդը։ «Forbes»-ի գնահատականներով` Մասկի կարողությունը 213,1 մլրդ դոլար է։
ԱՄՆ նախագահական ընտրություններում հաղթած Դոնալդ Թրամփն ավելի վաղ հայտարարել էր, որ Մասկը և գործարար Վիվեկ Ռամասվամին կղեկավարեն պետարդյունավետության նոր դեպարտամենտը (DOGE): Մասկը խոստացել էր Թրամփի հաղթանակի դեպքում առնվազն երկու տրիլիոն դոլարով կրճատել ԱՄՆ-ի բյուջետային ծախսերը: