Ինչ սկզբունքվով է Փաշինյանը ձևավորում իր կաբիինետը. պաշտոնանկությունների բուռն ալիքի ֆոնին նա որոշեց հրապարակել այն սկզբունքները, որոնցով առաջնորդվելով պաշտոնների է նշանակում։ Քննադատության ամենամեծ չափաբաժինը իշխող ուժի ղեկավարը ստացավ հենց հաշվետվողականության բացակայության վերաբերյալ։ Որևէ ազատման կամ նշանակման դեպքում պարզաբանում չեղավ։
Եվ ահա, Փաշինյանը որոշեց հենց ինքը պազաբանի, թե իր խնդրանքով ազատվելու դիմում գրած 6 բարձրաստիճան պաշտոնյաների փոխարեն ինչ սկզբունքով է նշանակումներ արել կամ անելու։ Առաջինը հեղափոխական թիմի անդամներ են, ովքեր, նրա բնորոշմամբ, անցել են ընտրական ֆիլտրով, արժանացել ժողովրդի վստահությանը և արդյունավետորեն իրացրել այդ վստահությունը։ 2 -րդ խմբում դեռ նախկին իշխանությունների օրոք պետական տարբեր համակարգերում աշխատող պաշտոնյաներն են, որոնք, ըստ Փաշինյանի, կառավարող մեծամասնության գաղափարաբանության նկատմամբ անհրաժեշտ համախոհություն են ցուցաբերել և դարձել կառավարող թիմի մասը։ Եվ ոչ մի խոսք մասնագիտական որակների մասին։
Կադրային այս քաղաքականությունը խնդրել ենք վերլուծել քաղաքական վերլուծաբան Հակոբ Բադալյանին։