«Արմավիր» ՔԿՀ բերված հանձնուք աղցաններում թմրամիջոցներ են հայտնաբերվել

ԵՐԵՎԱՆ, 22 նոյեմբերի - Sputnik. «Արամվիր» քրեակատարողական հիմնարկի անվտանգության ապահովման բաժնի ծառայողներն այսօր ժամը 14։30-ի սահմաններում զննության են ենթարկել դատապարտյալի անվամբ կնոջ կողմից բերված հանձնուք աղցանները, հայտնում են ՀՀ արդարադատության նախարարության քրեակատարողական ծառայությունից։

Հայտնաբերվել են ընդհանուր 31,08 գրամ քաշով մարիխուանա, մեթամֆետամին և ափիոն տեսակի թմրամիջոցներին նմանվող զանգվածներ։

Հանձնուք բերած քաղաքացուհին ձերբակալվել և ներկայացվել ՀՀ ՔԿ Արմավիրի մարզային քննչական վարչության Վաղարշապատի քննչական բաժին։