ՄԱԿ-ի Գլխավոր վեհաժողովն այս շաբաթ ընդունեց ՀԱՊԿ–ի հետ համագործակցության փաստաթուղթ։ Այն նշում է, որ ՀԱՊԿ-ը զգալի ներդրում է ունեցել խաղաղարարության եւ տարածաշրջանային անվտանգության ու կայունության ապահովման, ահաբեկչության հակազդման, թմրանյութերի, զենքի ապօրինի շրջանառության դեմ պայքարում, բնական եւ տեխնածին աղետների հետեւանքների վերացման գործում եւ նպաստում է ՄԱԿ-ի նպատակների եւ սկզբունքների կենսագործմանը։
Ժամանակակից աշխարհում ՄԱԿ-ի դերը դեռ պետք է հասկանալ։ Ինչ նշանակություն կունենա ՄԱԿ-ՀԱՊԿ գործակցության փաստաթուղթը. թեմայի շուրջ զրուցել ենք «APRI Արմենիա» վերլուծական կենտրոնի ավագ փորձագետ Բենիամին Պողոսյանի հետ։