Երևանի ավագանու նիստում այսօր քնարկվել է հանրային տրանսպորտից օգտվող սոցիալական որոշ խմբերի համար սակագնային արտոնություններ սահմանելու մասին նախագիծը։
Դրանով իշխող խմբակցությունը առաջարկում է մինչև 7 տարեկան երեխանների և ծնողազուրկ դպրոցականների համար տրանսպորտը դարձնել անվճար, 8-17 տարեկանների համար` 20 տոկոս զեղչ, թոշակառուների համար 30 տոկոս ձեղչ, ուսանողների համար 5 տոկոս զեղչ, ծնողազուրկ ուսանողների համար՝ անվճար։
Նախագիծն ընդունելու դեպքում տրանսպորտիվ անվճար կօգտվեն նաև հաշմանդամություն ունեցող, պետական խնամքի տակ գտնվող, մանկատներում կամ ծերանոցներում բնակվող քաղաքացիները, նախկին ԽՍՀՄ հերոսներ, Սոցիալիստական աշխատանքի հերսներ, Հայաստանի ազգային հերոսներ, Մարտական խաչի առաջին և երկրորդ աստիճանի և Փառքի երեք աստիճանի շքանշաններով պարգևատրված անձինք, նաև` բազմազավակ ծնողները։ Իսկ նպաստառուների համար կգործի 20 տոկոս զեղչ։
Նախագծի քննարկում անցել է բավական թեժ մթնոլորտում։ Ընդդիմադիր խմբակցությունները քաղաքային իշխանությանը մեղադրել են մանիպուլյացիների և պոպուլիզմի համար` նշելով, որ վերոհիշյալ խմբերի համար այսօր էլ արտոնություններ կան սահմանված։
«Մայր Հայաստան» խմբակցությունը նիստի ժամանակ ակցիա է իրականացրել՝ ընդդեմ տրանսպորտի համար հունվարի 1-ից սահմանված 300 դրամ ուղեվարձերի։
Խմբակցության ղեկավար Մանուկ Սուքիասյանը մատնանշել է, որ ներկայացված փաթեթում 4-օրյա և 44-օրյա պատերազմների զոհերի ընտանիքների համար զեղչեր նախատեսված չեն։
«Մայր Հայաստան» խմբակցության անդամ Մեսրոպ Մանուկյանն իր ելույթում արձանագրեց, որ Թելսելի հետ պայմանագիրը հակասում է քաղաքապետի նախկինում ընդունած որոշումներին։
«Ազգային առաջընթաց» խմբակցության ավագանու անդամ Իզաբելլա Աբգարյանն էլ քաղաքապետարանին առաջարկեց տրանսպորտային համակարգը լավարկել ոչ թե քաղաքացիների, այլ սեփական գրպանի հաշվին` կրճատելով ճոխ ծախսերն ու բարձր աշխատավարձ ստացող պաշտոնյաների պարգևավճարները։