ԵՐԵՎԱՆ, 18 նոյեմբերի – Sputnik. Անդրանիկ Հովհաննիսյանը նշանակվել է ԵԱՀԿ-ում Հայաստանի դեսպան։ Համապատասխան հրամանագիրը ստորագրել է ՀՀ նախագահ Վահագն Խաչատուրյանը։
Հովհաննիսյանը նաև Հայաստանի դեսպան է Վիեննայում ՄԱԿ-ի և այլ միջազգային կազմակերպությունների գրասենյակում։
Հոկտեմբերի վերջին նա նշանակվել էր Ավստրիայում Հայաստանի դեսպան։ Նախկինում եղել է Շվեյցարիայում Հայաստանի դեսպանը և ՄԱԿ-ի Ժնևի գրասենյակում մշտական ներկայացուցիչը։
Մինչ Հովհաննիսյանի նշանակումը ԵԱՀԿ-ում ՀՀ մշտական ներկայացուցիչն էր Արմեն Պապիկյանը։ Հոկտեմբերի 25-ին նա նշանակվել է Եվրոպայի խորհրդում նոր մշտական ներկայացուցիչ։