Այրվածքաբանության ազգային կենտրոնի բակում կայանված մեքենայում տղամարդու դի է հայտնաբերվել

ԵՐԵՎԱՆ, 18 նոյեմբերի – Sputnik. Այրվածքաբանության ազգային կենտրոնի բակում կայանված ու չշահագործվող շտապօգնության ավտոմեքենայում տղամարդու մարմին է հայտնաբերվել։ Տեղեկությունը հայտնում է shamshyan.com–ը։

Ըստ կայքի` ՀՀ ՆԳՆ ոստիկանության օպերատիվ կառավարման կենտրոնը ժամը 12:10-ի սահմաններում ահազանգ է ստացել Երևանի բնակիչ Արթուր Իսկանդարյանից, որը հայտնել է, թե ինքը Այրվածքաբանության ազգային կենտրոնի տնօրենի օգնականն է, և տեղեկացրել է, որ կենտրոնի տարածքում անօթևան տղամարդու դի կա:

Դատաբժշկի նախնական եզրակացության համաձայն՝ դիակի վրա բռնության հետքեր չեն հայտնաբերվել:

Դեպքի փաստով քննչական բաժնում քրեական վարույթ է նախաձեռնվել սպանության հոդվածով։