ԵՐԵՎԱՆ, 15 նոյեմբերի – Sputnik. Արարատի մարզի Նորաշեն գյուղի երկու տներում հրդեհ է բռնկվել։ Տեղեկությունը հայտնում է ՆԳՆ փրկարար ծառայությունը։
Արարատի մարզային փրկարարական վարչության ճգնաժամային կառավարման կենտրոն ահազանգը ստացվել է նոյեմբերի 15-ին, ժամը 16։42-ին։ Հայտնել են, որ հրդեհ է բռնկվել Նորաշեն գյուղի Նելսոն Ստեփանյան փողոցի երկու տներում։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից երեք մարտական հաշվարկ։
«Այրվել են երկու տների տանիքների փայտե կառուցատարերը (ընդհանուր մոտ 320 քմ)»,-նշված է հաղորդագրության մեջ։
Հրդեհը մեկուսացվել է ժամը 17։33-ին, մարվել՝ 18։27-ին: