Վարչապետ Նիկոլ Փաշինյանն անցած շաբաթ Հակակոռուպցիոն կոմիտեի կազմավորման տարեդարձին նվիրված միջոցառմանը ասել է, որ իր իսկ զգացողությամբ հանրության տրամադրությունն այնպիսին է, որ Հայաստանում այսօր մեծ ծավալի կոռուպցիա կա, մեծ ծավալի անարդարություններ կան, մեծ ծավալի ապօրինություններ կան, ինչն, ըստ Փաշինյանի` արդեն դառնում է քաղաքական խնդիր:
«Արդարություն և արդարադատություն հաստատելու, կոռուպցիայի կանխարգելման և կոռուպցիան արմատախիլ անելու մասով քաղաքական կամքի բացակայություն, ընդհանրապես, չկա».-միևնույն ժամանակ վստահեցրել է Փաշինյանը։
Հակակոռուպցիոն հարցերի փորձագետ Մարատ Ատովմյանը ևս արձանագրում է, որ իշխանություններին այսօր չի հաջողվում արդյունավետ պայքար մղել կոռուպցիայի դեմ։