ԵՐԵՎԱՆ, 11 նոյեմբերի – Sputnik. Ռուսաստանի նախագահ Վլադիմիր Պուտինը շնորհավորել է Sputnik միջազգային տեղակատվական գործակալությանն ու ռադիոկայանին 10-ամյակի առթիվ: Շնորհավորանքը հրապարակվել է Կրեմլի կայքում։
«Հարգելի բարեկամներ, շնորհավորում եմ ձեզ հոբելյանի՝ 10-ամյակի առթիվ: Այս տարիներին ձեր կոլեկտիվը՝ գլխամասային գրասենյակի և արտասահմանյան բազմաթիվ թղթակցային կետերի աշխատակիցները, որակյալ, օպերատիվ և պատասխանատվությամբ են կատարում իրենց մասնագիտական պարտականությունները, ձեռքը պահում կարևորագույն իրադարձությունների զարկերակին, լսարանին մատուցում հավաստի նորություններ և խոր վերլուծություններ, միշտ հենվում են ստուգված, օբյեկտիվ փաստերի վրա»,-նշել է ՌԴ նախագահը։
ՌԴ նախագահը նաև ընդգծել է, որ գործակալության աշխատակիցները հարթակ են տրամադրում Ռուսաստանում և աշխարհում հիմնական քաղաքական, տնտեսական, հասարակական միտումների վերաբերյալ տարբեր տեսակետներ ունեցող մարդկանց։
Sputnik լրատվական գործակալությունը գլոբալ մեդիաշուկայում աշխատանքը սկսել է 2014 թվականի նոյեմբերի 10-ից։ Sputnik-ը մի շարք երկրներում նաև ռադիոհեռարձակում է ապահովում։ Գործակալությունը հագեցած է մուլտիմեդիոն մամուլի կենտրոններով։