Հայաստան- Ֆարերյան կղզիներ հանդիպումը կսպասարկեն հույն մրցավարները

ԵՐԵՎԱՆ, 11 նոյեմբերի - Sputnik. ՈւԵՖԱ Ազգերի լիգայի խաղարկության հինգերորդ մրցափուլի Հայաստան- Ֆարերյան կղզիներ հանդիպումը կսպասարկի հունական մրցավարական անձնակազմը։

Տեղեկությունը հայտնում են ՀՖՖ-ից։

Հայաստան-Ֆարերյան կղզիներ հանդիպումը կկայանա նոյեմբերի 14-ին՝ ժամը 21։00-ին Երևանի Վազգեն Սարգսյանի անվան «Հանրապետական» մարզադաշտում:

Հիշեցնենք՝ Ազգերի լիգայի խաղարկության C լիգայի խմբային փուլում Հայաստանի հավաքականը Ֆարերյան կղզիների հավաքականի հետ մրցակցի հարկի տակ հանդիպել էր հոկտեմբերի 10-ին։ Խաղն ավարտվել էր ոչ -ոքի՝ 2։2։