ԵՐԵՎԱՆ, 9 նոյեմբերի – Sputnik. Այս տարվա նոյեմբերի 23-ից Ռուսաստանի քաղաքացիություն ստացած անձինք կարող են զրկվել անձնագրից, եթե չանցնեն քաղաքացու երդման կարգը։ Տեղեկությունը հայտնում են ռուսական լրատվամիջոցները՝ վկայակոչելով ՆԳՆ–ին:
«2024 թվականի նոյեմբերի 23-ից նման անձինք չեն համարվի Ռուսաստանի քաղաքացիություն ձեռք բերած, իսկ նրանց ՌԴ քաղաքացիություն ընդունելու մասին որոշումները անվավեր կլինեն»,– ասված է հաղորդագրության մեջ:
Նշվում է, որ այս պահանջը չի տարածվում նրանց վրա, ովքեր քաղաքացիություն են ստացել մինչ քաղաքացու երդման պարտավորության ուժի մեջ մտնելը (2017 թ․ սեպտեմբերի 1) կամ Ռուսաստանի քաղաքացիություն ստանալու պահին ազատվել են երդման կարգից: