ԵՐԵՎԱՆ, 9 նոյեմբերի – Sputnik. «Մանկական Եվրատեսիլ-2024»-ի հայաստանյան պատվիրակությունը մեկնել է Մադրիդ։ Տեղեկությունը հայտնում է Առաջին ալիքը։
Ինչպես ավելի վաղ հայտնել էինք, Հայաստանը «Մանկական Եվրատեսիլ-2024» երգի մրցույթին կներկայացնի Լեո Մկրտչյանը` «Cosmic friend» երգով։
Հիշեցնենք, որ երաժշտական մրցույթը կայանալու է Իսպանիայի մայրաքաղաք Մադրիդում նոյեմբերի 16-ին՝ «Ծաղկենք» խորագրի ներքո:
«Մանկական Եվրատեսիլ» մրցույթի կանոնները չեն պահանջում, որ հաղթող երկիրը հյուրընկալի մրցույթը, նա իրավունք ունի նաև հրաժարվել։
2023 թվականին «Մանկական Եվրատեսիլը» կայացել է Ֆրանսիայի Նիցցա քաղաքում նոյեմբերի 26-ին։ Մրցույթում հաղթել է ֆրանսիացի Զոի Քլուզուրը «Cœur» երգով։