Գյումրիում ծավալված իրադարձությունները հենց այնպես չեն դասավորվել. Sputnik Արմենիային ասել է քաղտեխնոլոգ Արմեն Բադալյանը` մեկնաբանելով Հայաստանի մեծությամբ երկրորդ քաղաքում հայտարարված արտահերթ ընտրությունների փաստը։
«Տեղի ունեցավ այն, ինչ նախկինում եղել էր Վանաձորի, Փարաքարի, Ալավերդու հետ։ Այսինքն` բոլոր այն տարածքներում, որտեղ ՔՊ–ն նախկին ՏԻՄ ընտրություններում կարողացել էր մեծամասնություն ունենալ, որևիցե խնդիր չկա, բոլորը աշխատում են գոհ ու երջանիկ։ Իսկ, որտեղ ՔՊ–ն չի հաղթել կամ կոալիցիոն սկզունքով է կառավարում, փորձ է արվում իխանությունն անուղղակիորեն հսկողության տակ վերցնել»,– ասել է քաղտեխնոլոգը։
Գյումրիի ավագանու «Քաղաքացիական պայմանագիր» խմբակցությունը հայտարարել է, որ Գյումրիում ավագանու արտահերթ ընտրություններ կանցկացվեն։
Մինչ այդ` հոկտեմբերի 28-ին Գյումրիի քաղաքապետ Վարդգես Սամսոնյանն ու «Բալասանյան դաշինք» խմբակցության 14 անդամները իրենց մանդատներից վաղաժամ հրաժարվելու արձանագրություն էին ներկայացրել։ Ըստ այդմ, ավագանիում այժմ մեծամասնություն է «Քաղաքացիական պայմանագիր» խմբակցությունը։