ԵՐԵՎԱՆ, 8 նոյեմբերի – Sputnik. Այսօր ավտովթար է տեղի ունեցել Արարատի մարզում, որի հետևանքով կա 4 տուժած։ Տեղեկությունը հայտնում է shamshyan.com-ը։
Նշվում է, որ այսօր՝ ժամը 16։00-ի սահմաններում Արարատի մարզի բնակիչ 23-ամյա Նարեկ Ա․-ն իր վարած «Chevrolet» մակնիշի ավտոմեքենայով Դալար գյուղում, դեռևս անհայտ հանգամանքներում, դուրս է եկել երթևեկելի գոտուց։ Մեքենան բախվել է հաստաբուն ընկուզենուն, ապա Վազգեն Սարգսյան փողոցում գտնվող տան պատին։
«Վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են «Արտաշատ» բժշկական կենտրոն»,-հայտնում է կայքը։
Վթարի փաստով նախաձեռնվել է քրեական վարույթ։ Հիվանդանոց տեղափոխված անձանց ինքնությունը պարզվում է։