Թրամփն առաջատարն է. ի՞նչ պատկեր է ԱՄՆ նախագահական ընտրություններում

ԵՐԵՎԱՆ, 6 նոյեմբերի – Sputnik. ԱՄՆ–ում նախագահական ընտրություններում այս պահի դրությամբ առաջատարն է հանրապետական Դոնալդ Թրամփը։

Նշենք, որ Թրամփի հիմնական մրցակիցը փոխնախագահ, դեմոկրատական կուսակցության թեկնածու Քամալա Հարիսն է։

Ընտրությունների ելքը որոշում են ոչ թե սովորական ընտրողները, այլ ընտրիչների կոլեգիան, որը բաղկացած է տարբեր նահանգների 538 ներկայացուցիչներից։ Յուրաքանչյուր տարածաշրջանից ընտրողների թիվը համամասնական է բնակչության թվին և տատանվում է երեքից մինչև 55: Եթե թեկնածուին աջակցում է նահանգի բնակիչների ավելի քան 50 տոկոսը, նա կստանա նահանգի բոլոր ընտրողների ձայները (ամենուր, բացի Մեյնից և Նեբրասկայից): Ընդհանուր առմամբ երկրում հաղթելու համար անհրաժեշտ է հավաքել առնվազն 270 ընտրիչ ձայն:

Ներկայում Թրամփի օգտին քվեարկել է 247, իսկ Հարիսի օգտին` 214 ընտրիչ։

Թրամփի օգտին քվեարկել է ընտրողների 67 մլն 022 հազար 395-ը, իսկ Հարիսի օգտին` 62 մլն 060 հազար 725–ը։

Քամալա Հարիսն էլ առաջատար է Վաշինգտոն, Օրեգոն, Կալիֆոռնիա, Նյու Մեքսիկո, Կոլորադո, Իլինոյս, Վիրջինիա, Նյու Յորք, Վերմոնտ, Նյու Հեմփշիր, Մասաչուսեթս, Քոնեքթիկուտ, Մեն, Ռոդ Այլենդ, Նյու Ջերսի, Դելավեր, Մերիլենդ, Կոլումբիա դաշնային օկրուգ նահանգներում, ինչպես նաև Հավայան կղզիներում։

Նշենք, որ ԱՄՆ–ում 344 մլն բնակչությունից ընտրելու իրավունք ունի 244 մլն–ը։