ԵՐԵՎԱՆ, 6 նոյեմբերի – Sputnik. ԱՄՆ–ի ընտրված նախագահ է դառնում Դոնալդ Թրամփը: Այս հայտարարությունն արել է Ներկայացուցիչների պալատի խոսնակ Մայք Ջոնսոնը:
«Ամերիկայում կրկին լույս ու հույս ծագեց։ Դոնալդ Թրամփն այժմ մեր նախագահն է, որին ընտրեցին ամերիկացիներն այսպիսի ժամանակաշրջանում», - գրել Է Ջոնսոնը X սոցցանցում։
Ամերիկյան ԶԼՄ-ները դեռ ընտրություններից առաջ կանխատեսում էին, որ հաղթելու է Թրամփը։
Երկրի պատմության մեջ երկրորդ անգամ նույն անձը կրկին, բայց ոչ երկու ժամկետ անընդմեջ կղեկավարի ԱՄՆ–ն։ Առաջինը Գրովեր Քլիվլենդն էր 19-րդ դարի վերջին։
Նշենք, որ ԱՄՆ–ում 344 մլն բնակչությունից ընտրելու իրավունք ունի 244 մլն–ը։
Հետևեք ձայների հաշվարկին Sputnik Արմենիայի ինտերակտիվ նախագծում։