Երևանում 100-դրամանոցների իսկական որս է։ Մարդիկ խնայում են դրանք, հավաքում են տրանսպորտում վճարելու համար։ Կանգառների մոտ գտնվող խանութներում նույնիսկ գրություններ են փակցրել․ «100-դրամանոցներով չենք մանրում»։ QR կոդերով վճարումները լայն տարածում չեն ստանում, քանի որ տարեցները չգիտեն ինչպես, իսկ երիտասարդները սկզբունքորեն չեն ուզում ներբեռնել պարտադրված հավելվածը։
Ստվերի կրճատման ցուցանիշներն էլ հեռու են քաղաքապետարանի սպասումներից։ Նոյեմբերի 1-ին հավաքվել էր ընդամենը մոտ մեկ միլիոնով ավելի, քան մինչև այդ սովորաբար լինում էր։ Հանգստյան օրերին, ըստ քաղաքապետի տեղակալի՝ հավաքվել է 4 և 5 միլին դրամով ավելի։ Այդուհանդերձ, Երևանի իշխանությունը խոսում էր մոտ 30 միլիոն դրամ ստվերի մասին։
Երևանում հարմար տրանսպորտ նեդնելու ցանկությունն առայժմ միայն նոր անհարմարություններ է ստեղծում։ Այդ առիթով առավոտյան ներողություն խնդրեց փոխքաղաքպետը, հետո նաև քաղաքապետը, բայց համակարգից հրաժարվել քաղաքաին իշխանությունը մտադիր չէ։
Ազգային Ժողովում լրագրողների հետ ճեպազրույցի ժամանակ Տիգրան Ավինյանը վստահեցրել է, որ ճանապարհը, որով անցնում ենք, հասցնելու է որակյալ տրանսպորտային համակարգի։