«Արմավիր» ՔԿՀ-ում հանձնուքի պիստակների մեջ թմրամիջոցի նմանվող զանգվածներ են թաքցրել

ԵՐԵՎԱՆ, 1 նոյեմբերի - Sputnik. ՀՀ ԱՆ «Արմավիր» քրեակատարողական հիմնարկի ծառայողները հանձնուքի պիստակների մեջ թմրամիջոցի նմանվող զանգվածներ են հայտնաբերել։ Տեղեկությունը հայտնում է ՔԿՀ մամուլի ծառայությունը։

Նշվում է, որ հոկտեմբերի 31-ին՝ ժամը 12։30-ին, զննության են ենթարկել կալանավորված անձ, Իրանի Իսլամական Հանրապետության քաղաքացի Մ․Ա․-ի անվամբ քաղաքացիներ Մ․Ա․-ի և Հ․Ս․-ի կողմից բերված հանձնուքը։

Քաղաքացիներ Մ․Ա․-ն և Հ․Ս․-ն ձերբակալվել են և հայտնաբերված զանգվածների հետ միասին ներկայացվել ՀՀ ՔԿ Արմավիրի մարզային քննչական վարչության Վաղարշապատի քննչական բաժին։