Իսպանիայի կառավարությունը երկրում եռօրյա սուգ է հայտարարել։ Երկրի հարավ-արևելքում` Վալենսիայում, հորդառատ անձրևների հետևանքով առաջացած ջրհեղեղը 72 մարդու կյանք է խլել։
Բազմաթիվ մարդիկ անհետ կորած են համարվում։ Որոնողափրկարարական աշխատանքները շարունակվում են։
Տարածաշրջանում պահպանվում է վտանգի կարմիր մակարդակը։ Սոցցանցերում հրապարակված կադրերում և լուսանկարներում երևում են ջրերում լողացող հարյուրավոր մեքենաներ։ Ավերվել են տներ, ջրի տակ են անցել ճանապարհներ։