ՌԻԱ Նովոստիի տիրապետության տակ է հայտնվել ձայնագրություն, որտեղ լսվում է ռուս գերի Իգոր Շչեգոլևատիի (ում սպառնում են սպանել «ամենացավոտ կերպով», եթե փրկագին չվճարվի) կնոջ խոսակցությունը։
Ավելի վաղ գերու խորթ եղբայրը` Ալեքսանդր Սերիկովը, գործակալությանը հայտնել էր, որ Շչեգոլևատիի կյանքի համար 1 մլն ռուբլի են պահանջում։
«Եթե շատ զայրացնեք, նրան կսպանեն ամենադաժան, ամենացավոտ ձևով, իսկ տեսանյութը կարող են ուղարկել ձեզ կամ երեխաներին։ Հավանաբար չեք գիտակցում` ում հետ գործ ունեք», – ձայնագրության մեջ ասում է ուկրաինական կողմը ներկայացնող կինը։
Նրա խոսքով` գերիներին, որոնց համար փրկագին չեն վճարել, սպանել են։
«Կան այնպիսիք, որոնք պետք չեն, որոնց համար վճարող չկա։ Նրանք մսացու են դառնում։ Նա կսատկի շան պես այսօր երեկոյան, եթե ես զանգահարեմ համակարգողին... նրա նմաններին անտառ են տանում, որտեղ նրանց հոշոտում են վայրի կենդանիները։ Ողջ թե մեռած, դա արդեն դրանով զբաղվողների այլասերված ուղեղի որոշելիքն է», – ասել է կինը։
Սա Ուկրաինայի ԶՈւ–ի կողմից շորթման առաջին դեպքը չէ։ Ավելի վաղ գերի ընկած ՌԴ զինծառայող Նիկոլայ Շեպիլովի ծնողները ՌԻԱ Նովոստիին պատմել էին, որ Ուկրաինայի զինված ուժերն իրենցից ևս գումար են պահանջել` սպառնալով սպանել որդուն։ Շեպիլովի ծնողները դիմել են ՄԱԿ` խնդրելով պաշտպանել որդուն և օգնել տուն վերադարձնել։