ԵՐԵՎԱՆ, 29 հոկտեմբերի - Sputnik. Այսօր տեղի է ունեցել Հայաստանի Հանրապետության կենտրոնական բանկի խորհրդի նիստ, որի ժամանակ որոշվել է իջեցնել վերաֆինանսավորման տոկոսադրույքը 0.25 տոկոսային կետով՝ սահմանելով 7.25 %։ Տեղեկությունը հայտնում են ԿԲ-ից։
Համապատասխանաբար, իջեցվել են այն տոկոսադրույքները, որոնցով առևտրային բանկերը Կենտրոնական բանկում ավանդներ են դնում և փոխառություններ ներգրավում (համապատասխանաբար 5,75% և 8,75%):
ԿԲ-ն շարունակում է նվազեցնել տոկոսադրույքը, քանի որ գնաճը, և ամենակարևորը, դրա սպասելիքները Հայաստանում մնում են ցածր: