ԵՐԵՎԱՆ, 26 հոկտեմբերի – Sputnik. Հակաօդային պաշտպանության միջոցները 17 դրոն են ոչնչացրել Ռուսաստանի 4 մարզերի վրա։ Այս մասին հայտնում է ՌԴ ՊՆ-ն:
«Անցած գիշերվա ընթացքում կանխվել է Ռուսաստանի Դաշնության տարածքում գտնվող օբյեկտների ուղղությամբ օդային տիպի ԱԹՍ-ների կիրառմամբ ահաբեկչական հարձակում իրականացնելու` Կիևի ռեժիմի փորձը։ ՀՕՊ հերթապահ միջոցները որսացել և ոչնչացրել են տասնյոթ ուկրաինական ԱԹՍ. ութ ԱԹՍ Բրյանսկի մարզի տարածքում, չորսը՝ Բելգորոդի տարածքում, երեքը՝ Կուրսկի տարածքում և երկուսը ՝ Օրյոլի մարզի տարածքում», – ասվում է հաղորդագրության մեջ:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։